الجغرافيا في الحقيقة هي علم >> شايفاك ياللي مندهش وبتقوللي لا يابت جبتى التايهة ... اصتبر عليا بس
واحدة واحدة كدة
انتا كمواطن عادي غير دارس للجغرافيا بتتعرف على الجغرافيا بالصدفة لما بتدخل المدرسة وانتا صغنن بتدرسها تبع مادة غريبة اسمها الدراسات الاجتماعية وهي مادة بتنقسم الى جزئين اول جزء هو الجغرافيا والتاني هو التاريخ بتبتدي حضرتك تدرسهم من الصف الرابع الابتدائي بالطريقة النمطية وهي الحفظ ومش مهم تفهم الجغرافيا في المرحلة الابتدائية تتلخص في ان مصر مناخها حار جاف صيفا معتدل ممطر شتاءً كون ان الواقع غير كدة تماماً فالعيب اكيد مش في كتاب الوزارة العيب فيك انت اصلك مش هتعرف اكتر من الوزارة وكتابها وحكومتها ووزير التربية والتعليم اللي عمره ماكان ليه علاقة لا بالتربية ولا التعليم زيه زي اى وزير تاني :) عادتشي يعني ولااااا اى اندهاشة يعنى ... ماعلينا بقا ... ندخل عالاعدادي بتاخد في الجغرافيا المجموعة الشمسية والكواكب المجاورة والمجرات وحاجات كدة وبعدين في ثانوي الجغرافيا اختياري بقا وعشان الجغرافيا معروفة بانها مادة الحار جاف صيفا معتدل ممطر شتاءً ومعروف ان دمها تقيل اكتر من انها علم كبير ومحترم ومعروف ان مدرسين الجغرافيا غير مؤهلين للديمقراطية .. احم .. اقصد للمهنة التدريسية لانهم اصلا مش مهتمين بالجغرافيا عشان مالهاش سبوبة فبيبقا الاقتصاد هو الحل ... نيجي عالجامعة بقا يابرنس الجغرافيا بتدخل في منافسة مع اقسام الفلسفة وعلم النفس و الللغة العربية والانجليزية والفرنسية واليابانية وغيرها وغيرها ... ساعتها بيتجلى امامك الصورة النمطية لمستقبل طالب الجغرافيا وهو مدرس جغرافيا زى اللى كان بيشوفهم طول حياته وساعتها يتساوى مع خريج التربية الرياضية او الموسيقية يعنى مبيدوش دروس خصوصية ومبتأكلش اى عيش ... مسكين انتا متعرفش انه اصلا حتى دى مش طايلها :)
وحياتك بتدخل القسم وترضى بنتيجة تنسيقك الداخلي وتقول هييييه القسم دة سهل وسهل فيه اجيب تقدير .. وهنا تلاقي الحقيقة المرة تديلك دش ساقع في عز البرد ... انسى يامعلم ... وتكتشف يا ولدى ساعتها سر المستوى الهايل لمدرسي الجغرافيا اللى قابلتهم في حياتك اصلك عرفت المصدر بقا :) ، فساعتها هتعمل حاجة من الاتنين يا تسترجل وتستحمل وتقاوم محاولة ديناصورتك وبيتنهي بيك الحال يا اما مستسلم وديناصور صغنن وزيك زي مستر عبد المتعال ، يا اما كائن طموحي مقاوم للديناصورية وساعتها بتواجه حرب شنعاء من زمايلك وزميلاتك الديناصورييين ورافض ان الجغرافيا هي ان مصر حار جاف صيفا معتدل ممطر شتاءً؟؟؟
الجغرافيا هي العلم اللي لو مدرستهوش مش هتبقى عارف حاجة ولا قيمة حاجة زي انك تستمتع بمنظر الجبل اللي بتعدي جنبه ومش عارف ليه اتكون وازاى وعمره اد ايه وايه سبب شكله المميز!! وهكذا بقا يعني..
الموضوع كبير كبير كبييير
الجغرافيا لها عشروميت فرع سياسية واقتصادية واجتماعية وعمران وانثروبولوجي وسياحية وطبية مش مجرد خريطة وكلمتين..
واكبر دليل ان الجغرافيين في مصر مقصرين في حق علمهم..
انه عادى جدا التلفيزيون المصري يعرض خريطة مصر وهي مغلوطة والسي ان ان والام بي سي و جريدة المصري اليوم وفي الكاريكاتير وفي صفحات الفيس بوك يعنى حتى الخريطة اللي درسوها من ابتدائي معرفتش تلزق في دماغهم .. ودة اكبر دليل على ان الجغرافيا في مصر تسبح في ماء الطرشي وفي نفس البرميل بتسبح منظومة التعليم والاعلام والصحة وكل اللي تحبه
وفي الآخر تكتشف ان ما مصر الا برميل طرشي كبيييير كبييير كبيير يا ولدي بس الحقيقة انه ناقص ملح
واحدة واحدة كدة
وحياتك بتدخل القسم وترضى بنتيجة تنسيقك الداخلي وتقول هييييه القسم دة سهل وسهل فيه اجيب تقدير .. وهنا تلاقي الحقيقة المرة تديلك دش ساقع في عز البرد ... انسى يامعلم ... وتكتشف يا ولدى ساعتها سر المستوى الهايل لمدرسي الجغرافيا اللى قابلتهم في حياتك اصلك عرفت المصدر بقا :) ، فساعتها هتعمل حاجة من الاتنين يا تسترجل وتستحمل وتقاوم محاولة ديناصورتك وبيتنهي بيك الحال يا اما مستسلم وديناصور صغنن وزيك زي مستر عبد المتعال ، يا اما كائن طموحي مقاوم للديناصورية وساعتها بتواجه حرب شنعاء من زمايلك وزميلاتك الديناصورييين ورافض ان الجغرافيا هي ان مصر حار جاف صيفا معتدل ممطر شتاءً؟؟؟
الجغرافيا هي العلم اللي لو مدرستهوش مش هتبقى عارف حاجة ولا قيمة حاجة زي انك تستمتع بمنظر الجبل اللي بتعدي جنبه ومش عارف ليه اتكون وازاى وعمره اد ايه وايه سبب شكله المميز!! وهكذا بقا يعني..
الموضوع كبير كبير كبييير
الجغرافيا لها عشروميت فرع سياسية واقتصادية واجتماعية وعمران وانثروبولوجي وسياحية وطبية مش مجرد خريطة وكلمتين..
واكبر دليل ان الجغرافيين في مصر مقصرين في حق علمهم..
انه عادى جدا التلفيزيون المصري يعرض خريطة مصر وهي مغلوطة والسي ان ان والام بي سي و جريدة المصري اليوم وفي الكاريكاتير وفي صفحات الفيس بوك يعنى حتى الخريطة اللي درسوها من ابتدائي معرفتش تلزق في دماغهم .. ودة اكبر دليل على ان الجغرافيا في مصر تسبح في ماء الطرشي وفي نفس البرميل بتسبح منظومة التعليم والاعلام والصحة وكل اللي تحبه
وفي الآخر تكتشف ان ما مصر الا برميل طرشي كبيييير كبييير كبيير يا ولدي بس الحقيقة انه ناقص ملح
ليست هناك تعليقات:
إرسال تعليق