ايام المهلبية وايام الخوازيق المغَرية :)

هوبا فوق وهوبا تحت بس لما الهوبا بتنزل بيك لتحت اجارك الله يامعلم ...طب افرض ان الهوبا اصلا مش بتاعتك :) وبرضه اخدتك ونزلت تحت برضه :) عشان انتا مثلا صاحب صاحب الهوبا :).... حاضر هبطل ألغاز .. كل واحد حياته عبارة عن هوبا وهي مرة فوق ومرة تحت ... دي الهوبا بتاعة كل واحد ... في ناس بيبقا عندهم اكسترا هوبا يعني مش بس بيعيش مع تغيرات الهوبا بتاعته لا دة بيتأثر بهوبات الآخرين :)... انا هؤلاء الناس :) ايون كلهم الانسان لما بيحاول يكون مثالي في معالجته لمواقف حياته وحياة اللي يعرفهم واللي يعرف اللي يعرف انه عارف انه يعرفهم بيجي عليه وقت والسيستم بتاعه يقع ... ودماغه واعصابه تقوله ستوب يا اهبل زيادة تحميل على تروس مخك ... كفاية كدة ... بتحب الشخص دة ومالو اعز اصحابك ميضرش يا ضنايا بس متبقاش too جدع عشان صدقنى هتندم ... اقف معاه وماله واجبه عليك كصديق واخ زي ما هو واجب عليه يسندك لما تقع (يسندك) مش يشيلك ويمشي بيك مشوارك. ماهو كمان عنده حياته وناس معتمدة عليه ومعتمد عليهم حياة تانية يعني :) .. دي نصيحة لاني انا الشخص اللي بيشيل الناس   مش بيسندهم وهما بيسندوني مش بيشيلوني زي ما بعمل معاهم لوجود اولويات اخرى مع اني برتب اولوياتي لو حد احتاجني .. وفي تلك الحالة لا الوم الا نفسي  لاني انا اللي غلطانة عشان عملت اللي فوق المفروض :) ودة بيخلي الناس بتشكك في نواياك حتى لو بريئة .. هي ليه وقفت اوي كدة معانا او مع حد معين اختهم مثلا اكيد في سررر ميعرفوش ان مش معنى انهم مقابلوش اشكالي انهم في الواقع مش موجودين :) ومعذورين اصل الاهبل فقط اليومين دول هو اللي يضحي عشان يشوف غيره مبسوط ، وهو اللي يقف جنب الناس في وقت الشدة ، وهما نفس الناس اللي لما يقروا الكلام دة هيقولو بتذلنا :) ، هقولهم موتو بتفكيركم ، عشان مينفعش مناقشة ايه هحلفلهم على نيتي السو... اقصد الكميلة :) . هذا وايها السادة ... قد اكتشفت انك لما تعامل الناس كما تحب ان يعاملوك بيحصل الآتي :

1. المعاملة دي وراها سر حربي نهري بري بحري مزدوج الاتجاهات ومختلف الحسابات 
2. اول ما بتسند او تشيل زي حالاتي تيجي انتا لما تسند بتقع في الحفرة عشان بتسند على هوا يا اهبل :) عشان اللي انتا سندته اتعلم المشي وسابك ومشي او كان عنده ظروف اهم او اولويات اخرى. 
3. الخلاصة يا اختشي ويا اخويا انك بتحقق النص الاول من الحكمة او المقولة هي وظروفه بقا والنص التاني بيتحقق اما نادراً او في المشمش.

تخيل ان في ناس ممكن تستغل الخصلة دي فيك ويحولوك لمجرد كومبارس في حياتهم وجودك لتحقيق هدف معين بيستغلوك يعني باسم حاجات كتير ، يسمعوا منك اللي يريحهم ويحسسهم بالرضا عن نفسهم ولو حاولت توضح اخطائهم يسدوا ودانهم عن نصيحتك وتبقا دسيسة :)

مش عيب انك تكون طيب في زمن ولاد الكلب ، ومش عيب انك تعترف انه تم استغلال طيبتك الزايدة ، بس عيب انك تستمر وانتا عارف انه بيتم استحمار معاليك  ساعتها ماتنهقش الا على نفسك