طبعا زي ما كلنا عارفين ان مجتمعنا متدين بطبعه ومش عنصري خالص مالص واكبر دليل على ذلك من ضمن كلام كتير هو مصطلح "اصله تربية نسوان" الجملة الشائعة لوصف العيل السيس سواء كان ابوه عايش او ميت وامه هي اللي تولت مسئولية تربيته .. طيب ايه العيب في كونك او كوني تربية نسوان لمؤاخذه؟ هو مش معظم الناس العسل شايفة ان مسئولية تربية العيال تقع على عاتق المرأة وفي اللغة العامية النسوان؟ طب عاوزين ايه يعني ؟ خير سيادتك؟ ليه خليتو اللي انتو شايفين انه واجب سبب للمعايرة؟!
لو بدينا يا حبيبي نبتدي منين الحكاية؟!! نبتديها من اسرة متوسطة مكونة من اب وام وطفلين الاب والام بيساهموا في دخل الاسرة وفتح البيت بمعنى ان لو الام قعدت في البيت الاب مش هيقدر يبقى العائل الوحيد الا لو اشتغل شغلانتين... الأب مات والام هي اللي اشتغلت شغلانتين وفتحت البيت وربت عيالها احسن تربية وعند اول غلطة عملها الولد اتعاير بأنه تربية نسوان!!! وحتى لو مغلطتش فهو برضه تربية نسوان!!..
اسرة تانية فقيرة مات الاب او طفش او كان نطع قاعد في البيت بياخد تعب الست اللي بتشتغل وبرضه بيعايرها انها ست مع انه عايش على قفاها ذل وقرف وسط مجتمع وقح بيلوم الضحية دائما فبتضطر تكمل في حياتها عشان مالهاش مكان تروحه او عشان لقب مطلقة او عشان ميهددهاش بالعيال وكل الحوارات البائسة دي ولما بتربي العيال كويس او وحش ففي الحالتين بيتقال تربية نسوان صحيح او هو تربية نسوان اه بس كويس!!!!
ايه المنطق؟ وايه السبب في تحقير جنس هو اساس اي مجتمع تخيل لما تكون بتبنى عمارة وتفضل عشان ساكن فوق تهدم في الاساسات وتنخرب فيها وتهملها؟ العمارة هتتهد على نافوخك.. نسبة الستتات اللي فاتحة بيوت في مصر وصلت ل 35% ده السنة اللي فاتت ، ومنهم ستات كتير مبيشتغلوش في الحكومة ، لو كنت تربية نسوان افتخر بأمك واحتقر مجتمعك لأنه جدير بالاحتقار.. امك صرفت عليك وخليتك راجل ومسئول واتعرضت لبلاوى وشافت المر من اللى يسوى واللى ميسواش اتحرشوا بيها واحتقروها وازدروها وقللوا من قيمتها فمتكونش انتا كمان سكينة من السكاكين اللي بتتدبح بيها .. احترم الانثى عشان هى امك واختك ومراتك وهى اللى بتربيك وتستحملك وتقف وراك عشان توصل واول ما بتوصل مبتقدرش افضالها عليك.. الست مش مجرد اكسسوار لتجميل حياتك مجرد ما لونه يبهت تجيب غيره الست هي اساس حياتك ..
واخيرا لكل اللي بيقولو جملة "تربية نسوان" تربية النسوان ياما عملت رجالة واللي اكيد انتا مش منهم..
ولكل ست وام تحية انتى صانعة امم ومقدار احترام اى مجتمع بيتقاس باحترام نسوانه زى ما بيقولو ، لو ابنك بعد ما ربيتيه وسهرتى عليه وخلتيه راجل واستقوى عليكى ميستاهلش منك غير شبشب متين يرجعله عقله :) ودى من اصول التربية المصرية :)
لو بدينا يا حبيبي نبتدي منين الحكاية؟!! نبتديها من اسرة متوسطة مكونة من اب وام وطفلين الاب والام بيساهموا في دخل الاسرة وفتح البيت بمعنى ان لو الام قعدت في البيت الاب مش هيقدر يبقى العائل الوحيد الا لو اشتغل شغلانتين... الأب مات والام هي اللي اشتغلت شغلانتين وفتحت البيت وربت عيالها احسن تربية وعند اول غلطة عملها الولد اتعاير بأنه تربية نسوان!!! وحتى لو مغلطتش فهو برضه تربية نسوان!!..
اسرة تانية فقيرة مات الاب او طفش او كان نطع قاعد في البيت بياخد تعب الست اللي بتشتغل وبرضه بيعايرها انها ست مع انه عايش على قفاها ذل وقرف وسط مجتمع وقح بيلوم الضحية دائما فبتضطر تكمل في حياتها عشان مالهاش مكان تروحه او عشان لقب مطلقة او عشان ميهددهاش بالعيال وكل الحوارات البائسة دي ولما بتربي العيال كويس او وحش ففي الحالتين بيتقال تربية نسوان صحيح او هو تربية نسوان اه بس كويس!!!!
ايه المنطق؟ وايه السبب في تحقير جنس هو اساس اي مجتمع تخيل لما تكون بتبنى عمارة وتفضل عشان ساكن فوق تهدم في الاساسات وتنخرب فيها وتهملها؟ العمارة هتتهد على نافوخك.. نسبة الستتات اللي فاتحة بيوت في مصر وصلت ل 35% ده السنة اللي فاتت ، ومنهم ستات كتير مبيشتغلوش في الحكومة ، لو كنت تربية نسوان افتخر بأمك واحتقر مجتمعك لأنه جدير بالاحتقار.. امك صرفت عليك وخليتك راجل ومسئول واتعرضت لبلاوى وشافت المر من اللى يسوى واللى ميسواش اتحرشوا بيها واحتقروها وازدروها وقللوا من قيمتها فمتكونش انتا كمان سكينة من السكاكين اللي بتتدبح بيها .. احترم الانثى عشان هى امك واختك ومراتك وهى اللى بتربيك وتستحملك وتقف وراك عشان توصل واول ما بتوصل مبتقدرش افضالها عليك.. الست مش مجرد اكسسوار لتجميل حياتك مجرد ما لونه يبهت تجيب غيره الست هي اساس حياتك ..
واخيرا لكل اللي بيقولو جملة "تربية نسوان" تربية النسوان ياما عملت رجالة واللي اكيد انتا مش منهم..
ولكل ست وام تحية انتى صانعة امم ومقدار احترام اى مجتمع بيتقاس باحترام نسوانه زى ما بيقولو ، لو ابنك بعد ما ربيتيه وسهرتى عليه وخلتيه راجل واستقوى عليكى ميستاهلش منك غير شبشب متين يرجعله عقله :) ودى من اصول التربية المصرية :)
ليست هناك تعليقات:
إرسال تعليق