عن بابا .. عن الحب

24/7/2014

تاريخ فاصل .. نقطة محورية... نقطة ضعف وكسر ضهر

ابويا مات.. لأ في المستشفى مش اكتر

اتنين في دماغي بيشدوا حبل افكاري حبة ابوكي مات وحبة لسة في المستشفى

لحد اللحظة دي مستوعبتش انه مش موجود .. مستوعبتش ان عذابه انتهى وعذابنا لسة منتهاش...

كل حاجة حصلت بسرعة ... كل كارثة بتيجي غير متوقعة .. بس ليها مؤشرات 

ابويا كان طيب .. عنيد وعصبي بطفولية 

معاشّي شبابه .. ضمور العضلات ابتدى يظهر من آواخر التلاتينات 

ولمن لا يعرفه مرض ليس له علاج عضلات الجسم فيه بتتآكل 

فجأة تعب بابا .. دوامة مستشفيات ... بابا مش معايا

انتي ذكية .. انا بثق في دماغك 

كل سنة وانتي طيبة 

العيدية ... افلام mbc2 .... مسلسل رأفت الهجان... وفيلم اعدام ميت في تحرير سينا

"تعالي شيلي المحاليل دي عاوز انام"

"متدلعش يا اتش لسة فاضل حبة خليك شاطر بقا "

"حضن" انا تعبان اوي يا منة ... انا تعبان اوي يا حبيبتي ... معلشي يا بابا سلامتك

باباكو كويس الحالة بتتحسن ده التهاب رئوي .. طب انا مش شايفة ده ..

"متسيبنيش" مش هسيبك يا بابا انا معاك اهو 

تحب تسمع ايه لعبد المطلب يا بابا؟ ساكن في حي السيدة :)

"آاااه" معلش يا بابا الكانيولا اتركبت اهو 

آخر يومين كنت معاه .. منمناش لا انا ولا هو 48 ساعة صاحيين 

كان مكتوبلي يابابا اكون معاك قبل ما تمشي

تعالو ابوكو نزلوه العناية المركزة... البقاء لله يا منة عمي تعيشي انتي!

انتوا لابسين اسود ليه!

ركبت معاك العربية وطبطبت عليك وانت ملفوف معلش العربية كانت بتتهز جامد وانت ضهرك بيوجعك بس انا قولتلهم يهدّوا عشان ضهرك بيوجعك 

ودخلت سلمت عليك ... قولتلك انت دلوقتي احسن ... خلاص مش هتتوجع تاني .. انت كدة مبسوط .. ياترى كنت سامعني؟

كرسيك فاضي... وبتفرج على mbc2 لوحدي .. وعبد الرحيم علي وقفوا برنامجه 

ولسة مبقدرش اسمع انك مت ..

ولسة عيوننا مبتتقابلش في البيت ...

ولسة لما بروحلك في مكانك الجديد بقف ومبعيطش.. عشان انت مش هنا

لسة فاكرة دموعك في خطوبتي ... الصورة الوحيدة اللي مش هقطعها ولا ارميها

بحبك يا بابا .. ولما بعدي عالمستشفى بشوف شباك اوضتك مفتوح واعرف انك لسة هناك

تعرف ايه عن البوشمن؟

تنتمي قبائل البوشمن إلى المجموعة الكابية وهى إحدى المجموعات الجنسية الرئيسية المنتشرة في إقليم

جنوب أفريقيا. وينتشر البوشمن في صحراء كالهاري التي تتقاسمها دول بتسوانا وناميبيا وأنجولا. 

وقد استقر البوشمن في هذا الاقليم منذ 20.000 سنة على أقل تقدير. وتبلغ أعداد البوشمن نحو مائة ألف نسمة.

ولدى البوشمن مواصفات شكلية وجسمانية تجعلهم يختلفون عن الزنوج حيث أنهم يمتازون بقصر قامتهم بخلاف

الزنوج طوال القامة. حيث يبلغ متوسط طول قاماتهم نحو 150سم، كما أن أجسامهم نحيفة خالية من الشعر خلافا

للزنوج. ويتميز البوشمني ببشرة مائلة للصفرار، وشعر رأس صوفي، وأنف أفطس، ورأس صغيرة أو متوسطة ذات

جبهة بارزة، وعظام الوجنتين بارزة.

ويعد البوشمن من القبائل البدائية حيث لا يزالوا يرتدون جلود الحيوانات ويعيشون على الصيد والإلتقاط ويبدءون

يومهم بالبحث عن الغذاء عن طريق الصيد حيث أكسبتهم حياتهم في صحراء كلهاري عدة خبرات. إذ يستطيع صياد

البوشمن معرفة نوع الحيوان من خلال حجم الحفر التي ينطلق منها إلى مخبئه وأيضا معرفة الظروف المناخية

وطبيعة الأرض والنباتات المحيطة به. 

 كما يمتاز البوشمن بمهارة الصيد بالحراب والسهام المسمومة فضل عن مهارة إطلاق الرماح ونصب الأفخاخ. ولدي البوشمني تراث حضاري متنوع ما بين النقوش والفولكلور الشعبي المحفوظ في الأغاني والأناشيد.

ويعتبر البوشمن من عبدة أرواح الموتى ويؤمنون أيضا بوجود إله قوى خلق نفسه ثم خلق الرض والماء ويدعى

"هارا"  ويؤمنون بوجود إله أصغر وهو إله السحر الأسود والشر. ويتحدث البوشمن لغة غريبة اصطلح الباحثون على

تسميتها لغة "التكتكة" أو "الطقطقة" والتي يتحدث بها حوالي 100.000 من المجموعة الخوسانية وسميت بذلك

لكثرة الحروف التي تصدر صوتا يشبه التكتكة عند التحدث بها.

ويعانى البوشمن اليوم من زحف الحداثة والحياة العصرية على تراثهم العتيق، كما يعانون في بعض الدول التي يتوزعون فيها من قسوة الحكومات التي تتعامل معهم باعتبارهم عقبة في طريق التطوير والتحديث واستغلال الثروات الطبيعية وخصوصا الألماس؛حيث عملت حكومة بتسوانا منذ عام 1997 على تهجير أعداد كبيرة من البوشمن عن أرض أجدادهم بحجة توفير ضروريات الحياة لهم. كما أدى تحويل حكومة بتسوانا صحراء كلهاري إلى محمية طبيعية إلى منع اتصال البوشمن الموجودين خارج المحمية وذويهم الموجودين داخلها.

ترى ..أي مصير ينتظر البوشمن في المستقبل.

والآن.. لنكتشف سويًا بعض الملامح من حياة البوشمن 

وربما تنقل لنا تلك الفيديوهات ملامح أكثر حيوية