عزيزي بابا.. ازيك دلوقتي؟
انت عارف انك الشهر الجاي هتبقي سايبنا بقالك سنتين؟!
رقم 2 ده قليل صح؟
بس ده مش معناه انك تطول وتزوده وفي يوم اقول مثلا انك سايبنا من 15 سنة مثلا!
انت عارف؟ لسة مستوعبتش انك مشيت يابابا
وبعدين أصلا في نفس الوقت انت كنت محتاج تمشي انا عارفة ومش بلومك خالص انت بس بتوحشني وبفتقدك في اللحظات القليلة جدا اللي بستوعب انك مبقيتش موجود
سنتين حصلت فيهم حاجات كتير أوي كنت عاوزة اشاركك فيها ونقعد نتكلم فيها ونضحك ونتخانق
انت عارف؟ انا بطلت اتفرج علي أي حاجة تقريبا من الأفلام اللي كنا بنحب نشوفها سوا
انت عارف؟ وحشني انك تندهلي وتقوللي في فيلم لنيكولاس كيدج شغال اتفرجي عليه أو نتفرج عليه سوا مثلا
سنتين باهتين أوي! وصعبين .. تهت فيهم ورجعت متهوش وتهت تاني وهكذا
اتعاملت فيهم مع ناس واتعلمت فيهم دروس متشاركتهاش معاك
تماسكت في يوم فيهم وروحت أزورك .. عارفة اني مقعدتش كتير بس اعذرني انا مش مقتنعة انك قاعد تحت
سنتين فيهم مشوفتكش بتتفرج على ماتش الأهلي وبتنفعل وبتحرق سجاير ومعملتلكش فيهم القهوة
سنتين لسة بنجيبلك الجرنال كل يوم جمعة وبيتحط جنب كرسيك ومحدش بيقراه عشان انت مبتحبش حد يقراه قبلك
لسة ماما بتجيبلك البسكوت اللي كنت بتاكله الصبح مع الشاي
سنتين معملتلكش طبق الفول اللي بتحبه من ايدي عالسحور
سنتين متخانقتش مع ماما عشان متخلصش العرقسوس بتاعك
سنتين مقولتليش فيهم كل سنة وانتي طيبة يا حبيبتي في عيد ميلادي ولا اخدت منك عيدية في العيد
انت عارف ان بندق هو كمان مشي وسابني؟ عارف اد ايه محتاجالكم ووحشتوني؟
بس تعرف؟ انا مش هختار ترجع تاني واشوفك تعبان قدامي ومش قادرة اخفف عنك
مش هقدر اسمع صوت ألمك واشوف هزال جسمك واشوف الحياة وهي بتتسحب منك وانا متكتفة وعاجزة
بحاول أهون علي نفسي غيابك.. بحاول استوعب انك مش موجود.. بحاول استوعب أي حاجة وساعات بستسلم وبقول مش مهم تستوعبي وفاكس
سلام على روحك وبحبك ومتخافشي عليا
انت عارف انك الشهر الجاي هتبقي سايبنا بقالك سنتين؟!
رقم 2 ده قليل صح؟
بس ده مش معناه انك تطول وتزوده وفي يوم اقول مثلا انك سايبنا من 15 سنة مثلا!
انت عارف؟ لسة مستوعبتش انك مشيت يابابا
وبعدين أصلا في نفس الوقت انت كنت محتاج تمشي انا عارفة ومش بلومك خالص انت بس بتوحشني وبفتقدك في اللحظات القليلة جدا اللي بستوعب انك مبقيتش موجود
سنتين حصلت فيهم حاجات كتير أوي كنت عاوزة اشاركك فيها ونقعد نتكلم فيها ونضحك ونتخانق
انت عارف؟ انا بطلت اتفرج علي أي حاجة تقريبا من الأفلام اللي كنا بنحب نشوفها سوا
انت عارف؟ وحشني انك تندهلي وتقوللي في فيلم لنيكولاس كيدج شغال اتفرجي عليه أو نتفرج عليه سوا مثلا
سنتين باهتين أوي! وصعبين .. تهت فيهم ورجعت متهوش وتهت تاني وهكذا
اتعاملت فيهم مع ناس واتعلمت فيهم دروس متشاركتهاش معاك
تماسكت في يوم فيهم وروحت أزورك .. عارفة اني مقعدتش كتير بس اعذرني انا مش مقتنعة انك قاعد تحت
سنتين فيهم مشوفتكش بتتفرج على ماتش الأهلي وبتنفعل وبتحرق سجاير ومعملتلكش فيهم القهوة
سنتين لسة بنجيبلك الجرنال كل يوم جمعة وبيتحط جنب كرسيك ومحدش بيقراه عشان انت مبتحبش حد يقراه قبلك
لسة ماما بتجيبلك البسكوت اللي كنت بتاكله الصبح مع الشاي
سنتين معملتلكش طبق الفول اللي بتحبه من ايدي عالسحور
سنتين متخانقتش مع ماما عشان متخلصش العرقسوس بتاعك
سنتين مقولتليش فيهم كل سنة وانتي طيبة يا حبيبتي في عيد ميلادي ولا اخدت منك عيدية في العيد
انت عارف ان بندق هو كمان مشي وسابني؟ عارف اد ايه محتاجالكم ووحشتوني؟
بس تعرف؟ انا مش هختار ترجع تاني واشوفك تعبان قدامي ومش قادرة اخفف عنك
مش هقدر اسمع صوت ألمك واشوف هزال جسمك واشوف الحياة وهي بتتسحب منك وانا متكتفة وعاجزة
بحاول أهون علي نفسي غيابك.. بحاول استوعب انك مش موجود.. بحاول استوعب أي حاجة وساعات بستسلم وبقول مش مهم تستوعبي وفاكس
سلام على روحك وبحبك ومتخافشي عليا
