الموت عايش ليه كذا وش ومليون مكان وليه مليون ثغرة بيتسرسب منها وبيسحب منها الحياة، الموت هو آخر حاجة ممكن تحصل للانسان وأكثرهم فزعًا بالنسبة ليه، من اول يوم بيوعى عليه الانسان وهو حواليه كأنه بيتولد معاه ويكبر معاه قرينه يعني احيانًا بيتجسد في فراق حد حواليك قريب او بعيد بتبقى أول صدمة هو ده بقا الموت اللي بسمع عنه؟! ده حقيقي موجود وقريب مني أوي، مش شرط يبقى في انسان حواليك انتا لو فعصت نملة شريرة قرصتك هتموتها!
عقبال ما نبتدي نستوعب الواقع ونتعود عليه .. حاجات كتير اوي جوانا بتموت! برضه رجعناله .. ايه ده يعني هو مش بس حوالينا وقريب؟ لأ ده جوانا كمان
طيب اللي جوانا بيموت بسبب اللي حوالينا؟ وللا اللي حوالينا احنا احيانًا بنموته؟
احنا فاعل وللا مفعول به، مسبب رئيسي وللا عامل مساعد؟!
بننكر حقيقة وجوده عشان الحقيقة دي بالذات بتوجعنا وبتجّرح فينا
الموت هل هو شكل من اشكال الشيطان؟ بيحولنا ؟ وبيإذينا؟ ..لأ مش دايمًا في ناس الموت حولهم للأحسن
الموت حقيقة كونية حزينة لو حد عزيز عليك .. سعيدة جدا لو ورثت او كان عدو او حد مؤذي .. وفي الحالتين بيموت حاجات جواك .. حتى لو مؤقت بس بتموت حاجات حلوة او وحشة .. لو حد عزيز عليك انتا بتموت في اليوم الف مرة لحد ما تتناساه وترجع تموت وانتا حي تاني لما يرجع هو يعيش في احلامك او تفكيرك! ولو كان عدو احيانًا بتتحول الراحة انه مات إلى شماتة وكدة انسانيتك ماتت بشكل مؤقت .. هيحصل ايه اكتر من الموت؟!
الانسان ليه تكوينين تكوين مادي اللي هو الجسم واعضاءه، وتكوين وجداني المشاعر والاحاسيس والشخصية اللي بتتكون من التجارب اللي بيعيشها ويميزها بمشاعره واحاسيسه.. لو الجسم مات بيموت الاحساس والمشاعر و الشخصية زي ما بيتوقف القلب والمخ والرئتين ، لكن لما بيموت الاحساس والمشاعر مش بالضرورة الجسم العضوي يموت! مين اصعب من التاني؟ تختار اي موتة فيهم؟
موتة المشاعر والاحاسيس مبتحصلش بطريق واضحة .. بتحصل تدريجي بتأثير الناس في بعضها .. اتخيل معايا.. كل واحد يصحى الصبح بعد غسيل الوش والبيبي والفطار لو بيفطر يقوم واخد بندقيته ونازل .. يقتل الفرحة في ده.. يقتل الأمل في ده..ويطلع مكانهم يأس وحزن ، وواحد تاني زيه بنفس السلاح يقتل في التفاؤل او الثقة بالنفس وبرضه بيطلع مكان الرصاصة ندبات التشاؤم و عدم الثقة بالنفس..
كلنا بنتولد وبنعيش وبدل ما كل واحد يعيش حياته .. بيقتل في التاني حاجة
لدرجة ان عدد كبير جدًا وصل لمرحلة انه زومبي مات احساسه بس عايش يقتل في احاسيس الناس اللي قربوا يوصلوا لمرحلة الزومبي..
تحكمات .. ارهاب... قتل... الخ ..
الموت عايش وسطينا واحيانًا بيتجسد في صورة بشر يمشي ينقل العدوى في باقي الناس اللي معندهمش مناعة
ازرع الملل والاحباط والتشاؤم والكسل والاكتئاب في حياتك وآخر الاحزان ان شاء الله عشان هتموت حي، ازرع عكسهم في نفسك واللي حواليك هتموت مرة بدل الف مرة بألف شكل وسبب ..
عقبال ما نبتدي نستوعب الواقع ونتعود عليه .. حاجات كتير اوي جوانا بتموت! برضه رجعناله .. ايه ده يعني هو مش بس حوالينا وقريب؟ لأ ده جوانا كمان
طيب اللي جوانا بيموت بسبب اللي حوالينا؟ وللا اللي حوالينا احنا احيانًا بنموته؟
احنا فاعل وللا مفعول به، مسبب رئيسي وللا عامل مساعد؟!
بننكر حقيقة وجوده عشان الحقيقة دي بالذات بتوجعنا وبتجّرح فينا
الموت هل هو شكل من اشكال الشيطان؟ بيحولنا ؟ وبيإذينا؟ ..لأ مش دايمًا في ناس الموت حولهم للأحسن
الموت حقيقة كونية حزينة لو حد عزيز عليك .. سعيدة جدا لو ورثت او كان عدو او حد مؤذي .. وفي الحالتين بيموت حاجات جواك .. حتى لو مؤقت بس بتموت حاجات حلوة او وحشة .. لو حد عزيز عليك انتا بتموت في اليوم الف مرة لحد ما تتناساه وترجع تموت وانتا حي تاني لما يرجع هو يعيش في احلامك او تفكيرك! ولو كان عدو احيانًا بتتحول الراحة انه مات إلى شماتة وكدة انسانيتك ماتت بشكل مؤقت .. هيحصل ايه اكتر من الموت؟!
الانسان ليه تكوينين تكوين مادي اللي هو الجسم واعضاءه، وتكوين وجداني المشاعر والاحاسيس والشخصية اللي بتتكون من التجارب اللي بيعيشها ويميزها بمشاعره واحاسيسه.. لو الجسم مات بيموت الاحساس والمشاعر و الشخصية زي ما بيتوقف القلب والمخ والرئتين ، لكن لما بيموت الاحساس والمشاعر مش بالضرورة الجسم العضوي يموت! مين اصعب من التاني؟ تختار اي موتة فيهم؟
موتة المشاعر والاحاسيس مبتحصلش بطريق واضحة .. بتحصل تدريجي بتأثير الناس في بعضها .. اتخيل معايا.. كل واحد يصحى الصبح بعد غسيل الوش والبيبي والفطار لو بيفطر يقوم واخد بندقيته ونازل .. يقتل الفرحة في ده.. يقتل الأمل في ده..ويطلع مكانهم يأس وحزن ، وواحد تاني زيه بنفس السلاح يقتل في التفاؤل او الثقة بالنفس وبرضه بيطلع مكان الرصاصة ندبات التشاؤم و عدم الثقة بالنفس..
كلنا بنتولد وبنعيش وبدل ما كل واحد يعيش حياته .. بيقتل في التاني حاجة
لدرجة ان عدد كبير جدًا وصل لمرحلة انه زومبي مات احساسه بس عايش يقتل في احاسيس الناس اللي قربوا يوصلوا لمرحلة الزومبي..
تحكمات .. ارهاب... قتل... الخ ..
الموت عايش وسطينا واحيانًا بيتجسد في صورة بشر يمشي ينقل العدوى في باقي الناس اللي معندهمش مناعة
ازرع الملل والاحباط والتشاؤم والكسل والاكتئاب في حياتك وآخر الاحزان ان شاء الله عشان هتموت حي، ازرع عكسهم في نفسك واللي حواليك هتموت مرة بدل الف مرة بألف شكل وسبب ..
