مش هتكلم في السياسة برامج التوك شو بتقوم بالواجب انا هتكلم في جغرافيا، متقلقوش مش هنزلكو بخريطة واقول مصر بحرين وصحرتين وشبه جزيرة .. بس هقولكو ان مصر ان مصر نيل ونهضة وخيبة تقيلة..
لأ مش سياسة برضه بس حياة او موت
الحياة والموت مالهمش دعوة بانتماء سياسي بس ليهم دعوة بوجودك اصلاً وكونك هتلحق تنتمي اصلا وللا هتموت عطشان
احنا عاملين دلوقتي زي اللي امه دعت عليه يولع في عرض البحر وميلاقوش مية تطفيه :)
{وجعلنا من الماء كل شيء حي} صدق الله العظيم، اخدنا زمان في الدراسات ان سبب قيام الحضارات العظيمة في وادي النيل واودية الانهار التانية زي دجلة والفرات هو توافر مصدر للمياه وده اللي خلى فيه استقرار وحياة وبعد كدة حضارات عظيمة خالدة لحد دلوقتي
الانسان الانسان استغل المجرى المائي اللي هو النهر في الصيد والزراعة و التجارة والفسح كمان وطوّع كل الظروف البيئية اللي حواليه على قد ما يقدر عشان"يعيش" عشان يزرع عمل ترع ومصارف وبعد كدة قناطر واهوسة وسدود والسدود دي بتتعمل يا اما لتوفير المياه بس او لتوفير المياه وتوليد الكهرباء في الوقت الحالي، ومش شرط السدود تبقى على انهار بس في سدود بتتعمل في اماكن لحمايتها من خطر السيول مثلا سد الروافعة في العريش، وسد قديم اوي كان في شبه الجزيرة العربية اسمه سد مأرب..
مصر فيها تاريخ وجغرافيا ونيل وحاجات كتير زي ما قال الرئيس، اللي عمل تاريخ مصر هو جغرافيتها اه والله موقع مصر الجغرافي هو سبب قيام اي حضارة فيها ومش موقعها بس لأ ده نيلها كمان، النيل في مصر بينحدر من الجنوب إلى الشمال عشان كدة النهر بيصب في البحر المتوسط عند مدينتى دمياط ورشيد اي نهر في الدنيا ليه منبع ومصب وبيتقام عليه سدود بس الفرق هنا السدود دي في اي جزء من اجزاء النهر ده؟! احنا كدولة مصب لو عملنا 100 سد المية اللي عندنا مش هتقل هيحصل تأثيرات تانية زي اللي حصلت عندنا لما بينينا السد العالي في الستينات وما ادراك ما الستينات اي تدخل للإنسان في اى حاجة طبيعية بتعمل تأثيرات سلبية اكتر من الايجابية زي مثلا ان كمية الطمي اللي كانت بتوصل للدلتا قبل بناء السد اكتر بكتير جداً جداً من بعد بناءه، وده عرض الدلتا لخطر التآكل بسبب حتّ الامواج في الساحل الدلتاوي يعني ايه الكلام ده .. ! يعني ان الدلتا بتتأكل بتتقرض يعني من البحر اللي بينحت في الساحل ممكن تزود معلوماتك بالبحث عن كلمة تآكل الساحل الدلتاوي، ده غير تأثيرات بيئية كتير ومش بس كدة كمان حصل تهجير للنوبيين من اراضيهم والايجابيات كان منها توليد الطاقة الكهرومائية وحماية مصر من خطر الفيضان . بس دول المنبع بقا لو بنوا سدود هنتأثر وللا لأ؟ هبسطهالك وانتا تفهم براحتك بقا . ست ام حسنات في الدور الارضي وانتا ساكن في العاشر، بقالك سنين مش مراعي الست حسنات لا في اعياد بتعيد ولا في افراح بتجامل ولا سلامات بترد ولا في احزان بتشارك، مع انك عارف ان الست حسنات طيبة واميرة وبتيجى بكلمتين وحتة جاتوه في مناسبة ، انتا عارف ان ليها علاقات كتير مع سكان العمارة التانيين كويسة ده غير الحاجة ام شمعون اللي في الشارع اللي وراكو واللي بينك وبينها مصانع الحداد ، الست ام حسنات اتفقت خلاص مع سكان العمارة انها قررت تقطع عنك المية انتا والجار اللي تحتيك اللي اتخانق مع مراته وقسمو الشقة جزء شمالي وجزء جنوبي منه لله ماهو مكنش بيراعي ربنا فيها وسمح للست ام شمعون توسوس لمراته عشان تقسم الشقة وتتطلق وكمان تساعدها على ضربه بالجزمة، المهم اتفقت ام حسنات على قفل المحبس العمومي اللي جوا شقتها وده بعد زيارتك ليها بيوم الظاهر انك خربتها، وقامت قايلالك محبس المية لما يتقفل المية هتوصلك برضه متخافش وانا هقفل محبس الميه عشان اوفر الكهربا!.
اثيوبيا لا هي محتاجة سدود ولا محتاجة مية ولا اى بتنجان من ده ، علاقة مصر مع دول حوض النيل زي الزفت من زمان من ايام مبارك والموضوع معروف وفي دراسات بالهبل اتعملت على تأثير بناء سد النهضة على حصة مصر من مياه النيل، عاوزين تعرفوا جزء منها اعملوا سيرش عن دكتور نادر نور الدين اللي طلع واتكلم في اكتر من برنامج على تأثير السد وخطره على مصر والسودان ومعامل الامان بتاع السد اكيد طبعا مش هقدر اضيف عليه.
اللي حارقنى بقا هو نيلتنا وخيبتنا القوية زى ما قولت ان المشكلة موجودة من ايام مبارك وربما قبل كدة كمان، تتلخص نيلتنا في نيلنا بنستنى الكارثة تقوم مع اننا بنبقى عارفين انها هتحصل وننفض ونطنش لحد ما نلاقي الكارثة حصلت نقعد نندب ونهلل ونبلل ونولول ودول يقولو دى من ايام مبارك ودول يقولو مش عارف ايه! ماتبطلوا قرف شوية كدة بقا وتفوقوا ؟ مشكلة دول حوض النيل واتفاقية عنتيبي وغيرها من الاتفاقيات مش بتاعة امبارح وحاجة متوقعة ومعروفة يعنى المفروض ان اي مرشح للرئاسة يكون حاطط حلول وخطط عشان يمنع الكارثة من قبل ما تحصل ، تاني يوم زيارة الرئيس لأثيوبيا اعلنت اثيوبيا انها هتكمل بناء السد وحشة في حقنا اوى دى على فكرة وخلت الفار يلعب في عب ناس كتير، بعدين تعمل هيهيهيهي (ضحكة رقيعة) حوار وطني ومش هتكلم عنه عشان باسم يوسف قام بالواجب كالعادة ..
النيل بيحصل فيه بلاوى في مصر نفسها بيتردم وبيتلوث وبيتعمل فيه بيبي ومحدش بيتكلم، كل واحد عايش بأنانية، الاجيال اللي جاية ليها الحق في انها تلاقي حاجة تعيش منها وعليها .. كفاية عك ولعب في الزراير وغباء في ادراة الأزمات ...
لأ مش سياسة برضه بس حياة او موت
الحياة والموت مالهمش دعوة بانتماء سياسي بس ليهم دعوة بوجودك اصلاً وكونك هتلحق تنتمي اصلا وللا هتموت عطشان
احنا عاملين دلوقتي زي اللي امه دعت عليه يولع في عرض البحر وميلاقوش مية تطفيه :)
{وجعلنا من الماء كل شيء حي} صدق الله العظيم، اخدنا زمان في الدراسات ان سبب قيام الحضارات العظيمة في وادي النيل واودية الانهار التانية زي دجلة والفرات هو توافر مصدر للمياه وده اللي خلى فيه استقرار وحياة وبعد كدة حضارات عظيمة خالدة لحد دلوقتي
الانسان الانسان استغل المجرى المائي اللي هو النهر في الصيد والزراعة و التجارة والفسح كمان وطوّع كل الظروف البيئية اللي حواليه على قد ما يقدر عشان"يعيش" عشان يزرع عمل ترع ومصارف وبعد كدة قناطر واهوسة وسدود والسدود دي بتتعمل يا اما لتوفير المياه بس او لتوفير المياه وتوليد الكهرباء في الوقت الحالي، ومش شرط السدود تبقى على انهار بس في سدود بتتعمل في اماكن لحمايتها من خطر السيول مثلا سد الروافعة في العريش، وسد قديم اوي كان في شبه الجزيرة العربية اسمه سد مأرب..
 |
| انحدار نهر النيل من المنبع للمصب |
اثيوبيا لا هي محتاجة سدود ولا محتاجة مية ولا اى بتنجان من ده ، علاقة مصر مع دول حوض النيل زي الزفت من زمان من ايام مبارك والموضوع معروف وفي دراسات بالهبل اتعملت على تأثير بناء سد النهضة على حصة مصر من مياه النيل، عاوزين تعرفوا جزء منها اعملوا سيرش عن دكتور نادر نور الدين اللي طلع واتكلم في اكتر من برنامج على تأثير السد وخطره على مصر والسودان ومعامل الامان بتاع السد اكيد طبعا مش هقدر اضيف عليه.
اللي حارقنى بقا هو نيلتنا وخيبتنا القوية زى ما قولت ان المشكلة موجودة من ايام مبارك وربما قبل كدة كمان، تتلخص نيلتنا في نيلنا بنستنى الكارثة تقوم مع اننا بنبقى عارفين انها هتحصل وننفض ونطنش لحد ما نلاقي الكارثة حصلت نقعد نندب ونهلل ونبلل ونولول ودول يقولو دى من ايام مبارك ودول يقولو مش عارف ايه! ماتبطلوا قرف شوية كدة بقا وتفوقوا ؟ مشكلة دول حوض النيل واتفاقية عنتيبي وغيرها من الاتفاقيات مش بتاعة امبارح وحاجة متوقعة ومعروفة يعنى المفروض ان اي مرشح للرئاسة يكون حاطط حلول وخطط عشان يمنع الكارثة من قبل ما تحصل ، تاني يوم زيارة الرئيس لأثيوبيا اعلنت اثيوبيا انها هتكمل بناء السد وحشة في حقنا اوى دى على فكرة وخلت الفار يلعب في عب ناس كتير، بعدين تعمل هيهيهيهي (ضحكة رقيعة) حوار وطني ومش هتكلم عنه عشان باسم يوسف قام بالواجب كالعادة ..
النيل بيحصل فيه بلاوى في مصر نفسها بيتردم وبيتلوث وبيتعمل فيه بيبي ومحدش بيتكلم، كل واحد عايش بأنانية، الاجيال اللي جاية ليها الحق في انها تلاقي حاجة تعيش منها وعليها .. كفاية عك ولعب في الزراير وغباء في ادراة الأزمات ...
 |
| الدلتا حاليا قارن بينها وبين الشكل الآخر هو ده بقا تآكل الدلتا اللي قولت عليه |
 |
| خريطة قديمة للدلتا و فروع النيل السبعة اه والله كانو سبعة |
